➲ განათლების კლუბის სამუშაო შეხვედრა არაფორმალურ გარემოში

➡ PITA ახალციხის ახალგაზრდულ ცენტრთან არსებული, განათლების კლუბის წევრების ინიციატივით, 25 ივნისს,ბორჯომის ხეობაში, კლუბის წევრთა სამუშაო შეხვედრა გაიმართა.
➡ შეხვედრის მიზანს კლუბების მუშაობის სპეციფიკის გაცნობა, სამომავლო გეგმის შემუშავება და კლუბის საქმიანობის შესახებ ახალი წევრების ინფორმირებულობა წარმოადგენდა. 
➡ აღნიშნულ საკითხებზე სასაუბროდ ახალგაზრდებმა მათთვის უჩვეული, არა ფორმალური გარემო შეარჩიეს.
➡ სამოქმედო გეგმის შემუშავების გარდა, მთელი დღის განმავლობაში ახალგაზრდებმა რამდენიმე საგანმანათლებლო აქტივობა შეასრულეს და ერთმანეთს, წაკითხული წიგნების შესახებ მოსაზრებები გაუზიარეს.
➡ ახალციხის ახალგაზრდულმა ცენტრმა აქტიურად დაიწყო მსგავსი, სხვადასხვა მიმართულების მქონე, კლუბების გააქტიურება, რაც პროგრამის მონაწილეებს მეტ თავისუფლებას და დამოუკიდებელი გადაწყვეტის მიღების შესაძლებლობას აძლევს.
➡ გარდა ამისა არა ფორმალური გარემო ხელს უწყობს, სხვადასხვა ეთნიკური წარმომავლობის მქონე ახალგაზრების დაახლოებას და ინტეგრაციას.
➡ განათლების კლუბის შეხვედრის ინიციატორები ამჯერად PITA ახალციხის ახალგაზრდული ცენტრის წევრები გვანცა ჩინჩალაძე და ნანუკა მიქელაძე იყვნენ.
┇ღონისძიება ორგანიზებულ იქნა ტოლერანტობის სამოქალაქო ცნობიერებისა და ინტეგრაციის მხარდამჭერი პროგრამა #PITA-ს ფარგლებში, რომელსაც ახორციელებს საქართველოს გაეროს ასოციაცია #UNAG, აშშ-ს საერთაშორისო განვითარების სააგენტოს #USAID ფინანსური მხარდაჭერით, პროგრამის პარტნიორი ახალციხესა და ახალქალაქში, საზოგადოებრივი ორგანიზაცია დემოკრატ მესხთა კავშირი.





                                                                                                                        ❖ დემოკრატ მესხთა კავშირი, UDM

❖ WWW.UDM.ORG.GE

❖ ©️ 2016